念君情长དྲན་ངོགས་ཀྱི་ཆུང་འདྲིས་ - 扎西杰布
词：卡秋
曲：扎西杰布
རྫ་སྐེད་སྨུག་ལོང་ནང་གི།
ལུག་རྫི་བུ་མོ་ཆུང་ཆུང་།།
རྫི་གླུ་དབྱངས་ལ་མ་འགུགས།།
ཆུང་དུས་བརྩེ་རོགས་དྲན་ཡོང་།།
ཆུང་དུས་ཀྱི་བརྩེ་རོགས།།
ལུག་རྫི་བུ་མོ།
ཁྱེད་དེང་སང་རི་ལུང་གང་ན་ཡོད།
རི་ལུང་གང་ན་ཡོད།
ཁྱེད་དེང་སང་རི་ལུང་གང་ན་ཡོད།
རི་ལུང་གང་ན་ཡོད།
ན་གཞུང་མེ་ཏོག་ཐང་གི།
གསེར་སྦྲང་བུང་བ་གཞོན་ནུ།།
འཕུར་ལྡིང་གར་ལ་མ་རྩེན།།
ཆུང་དུས་བརྩེ་རོགས་དྲན་ཡོང་།།
ཆུང་དུས་ཀྱི་བརྩེ་རོགས།།
མེ་ཏོག་འཐུ་རོགས།།
ཁྱེད་དེང་སང་ན་གཞུང་གང་ན་ཡོད།།
ན་གཞུང་གང་ན་ཡོད།།
ཁྱེད་དེང་སང་ན་གཞུང་གང་ན་ཡོད།།
ན་གཞུང་གང་ན་ཡོད།།
རུ་སྡེ་ཁྲ་མོའི་ནང་གི།
རིགས་བཟང་འབྲོག་གི་བུ་མོ།།
འཛུམ་ཆུང་ང་ལ་མ་སྟོན།།
ཆུང་དུས་བརྩེ་རོགས་དྲན་ཡོང་།།
ཆུང་དུས་ཀྱི་བརྩེ་རོགས།།
གཤིས་བཟང་འབྲོག་མོ།།
ཁྱེད་དེང་སང་འབྲོག་སྡེ་གང་ན་ཡོད།།
རི་ལུང་གང་ན་ཡོད།
ཁྱེད་དེང་སང་རི་ལུང་གང་ན་ཡོད།
རི་ལུང་གང་ན་ཡོད།
ཁྱེད་དེང་སང་རི་ལུང་གང་ན་ཡོད།
རི་ལུང་གང་ན་ཡོད།